جعفر آروینی(تانیش) ایله 1376 نجیایلینده بیر شعر مجلیسینده "بیر اووج یاشماق ایستیرم" ی سویله ینده تانیش اولدوم،ائلهاو زامان بو احساسلی شاعیرین نه قده ر اوز جامعه سینه ده رین باخیشین و بوتوناینسانلارینین تامارزیلارین نه گوزل تصویره چکدیین گوروب و ائله اوزامانلاردانآرامیزدا ده رین دوستلوق یاراندی. شعرله ادب محفیللرینده چئشیدلی شعرلرین ائشیدیبلذت آپاریردیم . هر زامان تانیشا سوروردون "بس نه زامان شعرلرینیزی چاپا وئره جکسینیز؟" چوخ آلچاق کونوللو غو ایله اوزونو بو ایشدن چکیندیریب و امتناعائدیردی
"تانیش" هر زامان خالقینین قایغی چکنیاولوب، اولکه سینده اولان اولای لارا هئچ زامان لاقید قالماییب . نه ایسه تاثیرآلدیغی اولای لاری گوزل و اوریه یاتان شعرلره جالاییب خالقینا سونموشدور. او همتورکجه ده همده فارسجادا شعرلر سویله میش،آنجاق یارادیجی لیغینین بیر چوخ حیصه سینیاوز آنادیلینده یارادمیشدیر.
تانیش شعر صنعتینده بیر چوخقالیبلاردا یازماغی سینامیش و باشاریلی اولموشدور. سون زامانلاردا اونا سوردوغومدا "سربست شعرلرده یازمیسانمی؟" او قیسا بیر سربست شعرایله بئله سویلهدی:
دفتریمده دیققتله
پوزدوغومسطیرلرین
آلتیندا
اورکسیرریم
اوز شعریم
باسدیریلیب
و من اوندا بیلدیم کی شاعیرچوخلوسربست شعرلر یازمیش آنجاق دئدیگی کیمی اورک سیرری اولاراق اونلاری اوزلدفترلرینده کیمسه یه اوخومادان باسدیرمیشدیر.تانیش دان اونلاری منه اوخوماسینیایسته دیم. سوزومو یئره سالماییب ؛گوزل شعرلریندن بیر نئچه سینی اوخودو.شعرلرین نهقده ر گوزل، دویغولو،اوره یه یاتان اولدوغو دویدوم . دوغوردان دوغروسو منیم اوچونتانیش دویغولارین ایفاده سیدیر.سیز حورمتلی اوخوجولارا بو شعرلرین اوخوماسینینیسگیل ائدیب "تانیش" دان بو شعرلردن بیر نئچه سینین بیر مقاله ده گتیرمه سینینایجازه سینی آلدیم و ایلک دفعه اولاراق بو سایتیدا سیز عزیز اوخوجولارا تقدیماولونور.
تانیش 1340 نجی ایلین فروردین آیینین 25 نجی گونو تبریزین امیره قیز محله سینده ایلمک سالان و فرش توخویان بیر عایله دهدونیایا گوزآچدی. 13 یاشیندا ایلک دفعه اولاراق دویغولارین کاغیذ اوستونه جالاییبیازماغی مشق ائتمه یه جان آتدی.1363 نجی ایلدن بری جیددی حالدا شعر یازماغا باشلادیو آذربایجانین بیر چوخ قزه ته لرینده چاپا یئتیردی.
او اوزو ایشچی و زحمت چکن بیر عاییلهده بویودوغو اوچون هر زامان ایشچی طبقه سینین قایغی سیندا قالیب اونلارین دردلریندندانیشیب و اونلارین هارایلارینین جارچیسی اولوب و هابئله آنادیلیمیزینده قایغیسیناقالیب اونو اوشاقلاریمیزا اویرتمه یه گوره یارانان بیر نئچه اوشاقلار قوروهونونیارانماسیندا چوخ بویوک رولو اولموشدور و حال حاضیرده بو قوروهلارین بیریندهاوشاقلارا آنا دیللرینده شعرلر اویره دیر."آی تک" آدلی گوزل بیر قیزی وار اوداآتاسینا تای آنادیلینده گوزل یازی لار و شعرلر یازماغا باشلامیشدیر.
تانیش ین دیللر ازبری اولان شعرلریندن
"بیر اووج یاشاماق ایستیرم" ،"سنیگورمه دیگیم دوست"، "ساوالان" ، "پرنسئسین سون باخیشی" ، "یاشاییش ناغیلی" کیمیشعرلری آد آپارماق اولار. اونون فارسجادان اولان شعرلردن بیر نئچه ترجمه سیدهاولموشدور اونلاردان بیریسی، ایرج دیهیم نین صمد بهرنگی نین اولومونه یازدیغی " عزیز رفته با ارس" آدلی شعریدیر. او بو شعری "آرازیله کوچن گوزل" آدلی شعرهچئویرییب و شعر اوزمانلارینین آلقیشلارینی قازانمیشدیر
جعفر آروینی(تانیش) ایله 1376 نجی
ارسال نظر
